Dandanggula pl.6
Pinurwaka kidung amrih manis
Gya kabeber Nagri Yogyakarta
Kang wus jembar kuncarane
Wiwit jaman rumuhun
Yogyakarta wus madeg nagri
karaton Kasultanan Kadipatennipun
Gih purapakualamanKekalihnya
Sinebat dwi tunggal yekti
Darapon nunggal sedya
Wus kawentar ing nuswantara
Kutha
plajar budaya pariwisata
Adat
tata cara tradhisi trus lestari
Tekat
masyarakat warga yogyakarta
Golong gilig saeka praya
Tansah
sengkut gumregut tumandang karya
Kanthi
rasa sengguh ngadhepi datan mingkuh
Yeku
gegebengan murih kasembadan
Kraton miwah pakualaman
Yekti
minangka punjering kabudayan
Ingkang
ngemot makna simbuling panguwasa
Wiwit
jaman kuna wus madeg nagara
Kang sinebut ing ijab qobul
Amanat
rikala manunggal mring praja
Nagari
mardika republic indonesia
Asung
panyengkuyung rila lan legawa
Gubernur lan wakil gubernur
Katetepna
kang lagya jumeneng nata
Ngayomi
kawula pan adil para marta
Mesthi
tata tentrem kerta tur raharja
Dirga yoswa trus salaminya
Sagung
warga samya manunggal ing sedya
Tetep
mbudidaya mrih lestari widada
Nyata
yogyakarta pancen istimewa.
Tidak ada komentar:
Posting Komentar